Edukira joan

Goierriko Hitza

Idiazabal
2008ko uztailak 20, Igandea

2008-04-17 | 12:27:38

N-1 errepidea erabat itxita geratu da Etxegaraten

Bi noranzkoetako trafikoa geldituta egon da eguerditik aurrera, kamioi batek istripua izan ondorenetik

Bi kamioik oso antzeko istripuak izan dituzte gaur eguerdian Etxegaraten, ordubeteko tartea eta bata bestetik oso gertu. Zirkulazioan ondorioak, ordea, bigarren istripuak larriagoak utzi ditu lehenengoak baino. Zauriturik ez da izan. 12:00etan kamioi batek guraizearena egin du Etxegarate gainean (Idiazabal), eta N-1 errepideko zirkulazioa erabat etenda geratu da bi noranzkoetan. Aurretik, 11:00etan beste kamioi bat ere gurutzatuta geratu da kaminoan, irristatuta. Hala ere, ez du hark eragozpen larririk eragin, errei bakarra oztopatu baitu.

Eguerdiko hamabietan Gasteizerako norantzan zihoan kamioi batek guraizearena egin duenean N-1eko bi norabideetako lau erreiak itxiarazi ditu, errepidean zeharretara gurutzatuta geratu delako. Autobiako bi noranzkoak itxita geratu dira, eta ondorioz auto ilara handiak sortu dira, bai Altsasu aldera, bai Idiazabal aldera. Ertzaintzaren arabera auto ilarak Itsasondora arte iritsi dira.

Errepide sare nagusiko trafikoa A-15 autobiatik bideratu dute eguerditik aurrera. Garabiarekin kamioia bidetik baztertzeko lanak bukatutakoan, 13:00ak aldera ireki dute berriz errepidea, eta pixkanaka auto-pilaketa arintzen joan da.

Errepidea erabat itxiarazi duen istripua gertatu aurretik, ordutebete lehenago, 11:00ak aldera, handik metro gutxira, beste kamioi batek ere guraizearena egin du, N-1en eta Gasteizerako noranzkoan. Etxegarate gainera iristen ari zela, azkeneko bihurguneetako batean galdu du kamioi-gidariak kontrola. Errei batean geratu da ibilgailua, eta ez du aparteko eragozpenik sortu. Garabiak kendu du kamioi hori ere.

 

zabaldu.com
bildu.net
digg.com
del.icio.us

 

Jasotako erantzunak:

Mezua idatzi

2

2008-07-08

n-1 pnvren beste obra handia orain ikagarrizko trafikoa eta kutsadura herriarentzat

1

2008-05-29

Beldurgarria da egunero Etxegaratetik pasatzea lanera joateko,

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta:

Internet Ehuntzen S.L.-k garatua

Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.